तनहुँ-१ बाट कांग्रेसले गर्यो आकांक्षी उम्मेदवारको नाम सिफारिस
भञ्ज्याङ न्यूज
नेपाली कांग्रेस तनहुँले आसन्न प्रतिनिधिसभा र प्रदेशसभा निर्वाचनका लागि आकांक्षी उम्मेदवारको नाम सिफारिस गरेको छ ।
कांग्रेस तनहुँले निर्वाचन क्षेत्र नं. १ को प्रतिनिधिसभाका लागि वरिष्ठ नेता रामचन्द्र पौडेल, केन्द्रीय सदस्य शंकर भण्डारी र गोविन्द भट्टराइको नाम सिफारिस गरेको छ ।
क्षेत्रीय कार्यसमितिबाट सिफारिस भइआएको नामावली जिल्लाले केन्द्रमा सिफारिस गरेको जिल्ला सचिव लक्ष्मीभक्त खनालले बताए ।
कांग्रेसका शीर्ष नेताहरु मंसिर ४ गतेको निर्वाचनका लागि विभिन्न जिल्लाबाट र्सवसम्मत उम्मेदवार सिफारिस भएपनि प्रधानमन्त्रीको दौडमा रहेका वरिष्ठ नेता पौडेल भने र्सवसम्मत सिफारिस भएनन् ।
देशले आफूलाई कार्यकारी भूमिकामा खोजेको छ भन्ने अभिव्यक्ति दिएपछि झनै चर्चामा आएका पौडेल जिल्लाबाटै र्सवसम्मत सिफारिस हुन सकेनन् ।
प्रतिनिधिसभाको समानुपातिक तर्फरामचन्द्र पोख्रेल, मिरा जोशी र यमुना खड्काको नाम सिफारिस गरिएको छ ।
प्रतिनिधिसभाका लागि डा. शेषरमण न्यौपाने र शिवहरि धितालले पनि आवेदन दर्ता गराएपनि क्षेत्रीय कार्यसमितिले भने तीन जनालाई मात्रै सिफारिस गरेको जिल्ला सचिव खनालले बताए ।
यस्तै, प्रदेशतर्फभने धेरै आकांक्षी भएपछि सबैको नाम सिफारिस गरी पठाइएको छ । तनहुँ-१ प्रदेश (क) तर्फरघुनाथ पौडेल, अशोककुमार श्रेष्ठ, शेष मोहम्मद हनिफ (गोरा मियाँ), सरिता गुरुङ, लक्ष्मीप्रसाद आचार्य, हरिदत्त पौडेल, डोवाटे विक, पूर्णबहादुर गुरुङ, सहदेव अधिकारी र शंकर पौडेलको नाम सिफारिस गरिएको छ ।
प्रदेश -ख) तर्फडम्बरबहादुर अधिकारी, दिपक भट्टराइ, रामचन्द्र अधिकारी र अर्जुन अधिकारीको नाम सिफारिस गरिएको जिल्ला सचिव खनालले बताए ।
