मुग्लिन-नारायणगढ सडक खण्डको सत्रकिलोमा लेदो सहितको पहिरो, सडक अवरुद्ध
भञ्ज्याङ न्यूज
मुग्लिन-नारायणगढ सडक खण्डमा लेदोसहितको पहिरो खसेपछि सडक अवरुद्ध भएको छ ।
आज विहान ८ः२० बजेको समयमा भरतपुर महानगरपालिका–२९, स्थित सत्रकिलो भन्ने स्थानमा अविरल वर्षाले लेदोसहित पहिरो खसेपछि दुइतर्फी बाटो अवरुद्ध भएको जिल्ला प्रहरी कार्यालय चितवनका प्रहरी नायव उपरीक्षक नरहरि अधिकारीले जानकारी दिए ।
सडक विभागसंग समन्वय गरेर बाटो खुलाउने प्रयास भइरहेको प्रहरीले जनाएको छ । वर्षाको बेलामा यस सडक खण्डले सास्ती दिँदै आइरहेको हुँदा सावधानी अपनाएर यात्रा गर्न प्रहरीले आग्रह गरेको छ ।
