तनहुँको बन्दीपुर -५ याम्पा आँधीखोलामा ट्रकको ठक्करबाट ८ जना घाइते
भञ्ज्याङन्युज
पृथ्वीराजमार्ग अन्तर्गत तनहुँको बन्दीपुर गाउँपालिका-५ याम्पा आँधीखोलामा ट्रकको ठक्करबाट बुधबार ८ जना घाइते भएका छन् । ना ४ ख १९७३ नम्बरको ट्रकले सडकछेउ रहेको घरमा ठक्कर दिँदा घरभित्र रहेका र बाहिर बसिरहेका ८ जना घाइते भएका हुन् ।
ट्रकको ठक्करबाट घरमा क्षति भएको छ भने विद्यालय जान बस कुरिरहेका विद्यार्थी सहित घाइते भएको स्थानीय समेत रहेका प्रहरी नायक उपरीक्षक मोहन बहादुर खाँणले जानकारी दिए । घुम्तीमा एक्कासी ट्रकले आएर ठक्कर दिँदा विद्यालय जान बस कुरिरहेका विद्यार्थी र अन्य केही स्थानीय घाइते भएको प्रहरीले जनाएको छ ।
ठक्करबाट बन्दिपुर गाउँपालिका-१ को १२ वर्षीय आयुष भुजेल, बन्दिपुर-१ की ६ वर्षीया आयुषा भुजेल, बन्दिपुर-१ को ५० वर्षीया चेत बहादुर घर्ती, बन्दिपुर-१ को ५५ वर्षीया सन बहादुर भुजेल, बन्दिपुर-१ की १० वर्षीया जस्मिन भुजेल, बन्दिपुर-१ को १० वर्षीय इश्वर भुजेल, बन्दिपुर-१ को १० वर्षीय समरि भुजेल र बन्दिपुर-१ को ५ वर्षीय सन्तोष भुजेल घाइते भएका छन् ।
घाइतेहरुलाई आँबुखैरेनी स्थित हाडजोर्नी अस्पतालमा प्राथमिक उपचार पश्चात थप उपचारका लागि चितवन पठाइएको प्रहरीले जनाएको छ ।
