एमाले गण्डकीको अध्यक्षमा नवराज शर्मा विजयी, पदाधिकारीमा पृथ्वीसुब्बा समर्थित प्यानलकै जीत

कूल ९०६ जनामध्ये ८९६ मत खसेकोमा शर्माले अधिकारीलाई  मतले पछि पारेका हुन् । म्याग्दीका शर्मा तदर्थ समितिका अध्यक्ष पनि हुन् । उनी एमाले उपमहासचिव पृथ्वीसुब्बा समूहबाट मैदानमा प्यानलसहित होमिएका थिए ।

यस्तै, लमजुङका मायानाथ अधिकारी केन्द्रीय सदस्य थिए । अब पराजसँगै पार्टीको विधान अनुसार उनको केन्द्रीय सदस्य पद पनि गुमेको छ । अधिकारी स्थायी कमिटि सदस्य खगराज अधिकारी समूहका हुन् ।

पदाधिकारीमा पृथ्वीसुब्बा समर्थित प्यानलकै जीत भएको बताइएको छ ।

अधिवेशन असोज १५ गतेदेखि सुरु भएको थियो । चौथो दिन विहीबार मध्यान्ह ११ः५५ बजेदेखि सुरु भएको मतदान साढे ५ बजेसम्म चल्ने तालिका सार्वजनिक भएपनि ४ घण्टा बढी समयसम्म चल्यो ।

मतदानमा १० जना अनुपस्थित रहे । बागलुङका २ जना र मनाङका ८ जना प्रतिनिधि अनुपस्थित रहेको बताइन्छ ।

सेयर गर्नुहोस्

प्रतिक्रिया दिनुहोस्

सम्बन्धित खवर