८ हप्ताको शिशुले पितालाई भने – हेलोः सबैभन्दा कम उमेरमा बोल्ने बच्चा हुन् त ?

८ हप्ताको शिशुले आफ्नो पितालाई हेलो भनेर सबैलाई अचम्मित पारिदिएका छन् । चार्ली नाम दिइएको उक्त बालक सबैभन्दा कम उमेरमा बोल्ने संसारको पहिलो बच्चाको रुपमा हेरिएको छ । बेलायतका निक र क्यारोलिन आफ्नो सन्तानको पहिलो बोली यति कम उमेरमा सुन्दा निकै उत्साहित भएका छन् ।

क्यारोलिन भन्छिन्, ‘हामी उसको भिडियो बारम्बार हेरिरहन्छौं । हामीलाई गर्वको अनुभव भइरहेको छ । हाम्रो छोरा यो उमेरमा पनि बारम्बार मुस्कुराइरहन्छ । साधारणतया बच्चा १० देखि १४ महिनाको उमेरमा बोल्न सुरु गर्छन् । हाम्रो अर्को छोराले नै ६ महिनामा बोल्न सुरु गरेको थियो । ’

सोसल मिडियामा आइरहेका छन् विभिन्न प्रकारको कमेन्टः

केही सोसल मिडिया प्रयोगकर्ताले यसलाई जादु बताइरहेका छन् भने कति निकै आश्चर्यमा परेका छन् । यस्तै, केही मानिसहरुले भने कम उमेरमा बोल्ने बच्चाको दाबी गरिएको माथि प्रश्न उठाइरहेका छन् । उनीहरुले बच्चाले यत्तिकै आवाज निकालेको हो, उसले बोलेको होइन भनिरहेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर