गोहीको पेटमा कति बेरसम्म जिउँदो रहन्छ शिकार ?

केही दिन अघि भारतको मध्यप्रदेशस्थित श्योपुरमा एउटा गोहीले ८ वर्षका बालकलाई जिउँदै निल्यो । त्यसअघि उत्तराखण्डमा पनि यस्तै घटना भएको थियो ।

मध्यप्रदेशमा मानिसहरु गोहीलाई काटेर बच्चा निकाल्न चाहन्थे तर वन विभाग र प्रहरीले सम्झाई बुझाई गरेपछि समातिएको गोहीलाई छोडियो । गोहीले भैँसी, गाईवस्तु, सर्प, अजिंगर यहाँसम्म कि मानिसलाई समेत निल्न सक्छ । तर गोहीको शिकार उसको पेटमा कति बेरसम्म जिउँदो रहन सक्छ । के तपाईंलाई यसबारे थाहा छ ? यो शिकारको आकार र मजबुतीमा निर्भर हुन्छ ।

 गोहीको पाचन यति तगडा हुन्छ कि यसले ५८ किलोग्रामको मानिस वा जीवलाई गलाएर १३ किलोग्रामको बनाउन सक्छ । यति तौल गोहीको पेट भर्न पर्याप्त हुन्छ ।

गोहीले कसरी पचाउँछ आफ्नो खाना ?

उटाह युनिभर्सिटीका बायोलोजिस्ट सि.जि फारमरका अनुसार खाना पचाउने यो रहस्यमयी तरिकाको पछाडि गोहीको हार्ट भल्भ समावेश हुन्छ जसलाई गोहीले दिमाग अर्थात् न्युरोलोजिकल्ली नियन्त्रित गर्छ । यसले मुटुमा जाने रगतको सञ्चारलाई बाइपास गरेर सिधै आफ्नो पेटससम्म पुर्याउन सक्छ । यसो हुँदा तीब्र गतिमा ग्यास्ट्रिक एसिड निस्कन्छ । जुन कुनै अन्य जीवको पेटबाट निस्कने ग्यास्ट्रिक एसिडभन्दा १० गुणा बढी हुन्छ ।

गोहीले के खान्छन् ?

गोही मांसहारी हुन्छन् । यिनीहरु मासु मात्रै खान्छन् । जंगलमा यिनीहरु माछा, पंक्षी, भ्यागुता खान्छन् । कतिपटक त यिनीहरुले अन्य गोहीमाथि पनि हमला गरेर खाने गर्छन् । बन्द स्थानमा मुसा, माछा, साधारणतया यिनीहरु आफ्नो बंगाराले शिकारलाई स–साना टुक्रामा तोडेर पेटमा पुर्याउने गर्छन् । त्यसपछि थुप्रै दिनसम्म पचाइरहन्छन् । गोहीले कुनै पनि शिकारलाई चपाउन सक्दैनन् । न नै यिनीहरुलाई खान योग्य साना टुक्रामा बाँड्न सक्छन् ।

गोहीलाई खाना पचाउन कति समय लाग्छ ?

विज्ञका अनुसार गोहीले आफ्नो तौलको २३ प्रतिशत हिस्सा बराबरको तौल भएको शिकारलाई एकपटकमा खान सक्छ । अर्थात्, यसको बंगाराले तोडेको शिकार पेटभित्र १०–१२ दिनमा सड्ने गर्छ । यो उसको शरीरको आकार र तौलमा निर्भर हुन्छ । यदि मौसमले साथ दियो भने यो चिसो रगत भएको जीवको शरीरबाट निस्कने एसिडले कुनै पनि शिकारलाई १० देखि १२ दिनसम्म पचाउन सक्छ । त्यसैले जब गोहीले अत्यधिक भारी जीवको शिकार गर्छ, ऊ धेरै दिनसम्म शान्त बसिरहन्छ ।

के गोहीका चार पेट हुन्छन् ?

गोहीका चार पेट हुँदैनन् । तर त्यो दुई भागमा बाँडिएका भने हुन्छन् । पहिलो चेम्बर निकै शक्तिशाली र मासुयुक्त हुन्छ । दोस्रो चेम्बर बढी एसिडिक हुन्छ । अर्थात्, पहिलो चेम्बरमा शिकारलाई तोडमोड गरिन्छ । दोस्रो चेम्बरमा एसिडले त्यसलाई पगालिन्छ । यी दुबै पेट मिलेर शिकारका मांसपेशी, हड्डी, प्वाँख वा सिङसम्म पचाउन सक्छन् ।

गोहीले कसरी गर्छन् शिकार ?

गोहीले आफ्नो शिकारलाई पानी भित्रबाट हेरिरहेको हुन्छ । सही मौकाको प्रतीक्षा गर्छन् । एकछिन मान्नुहोस् कि तपाईं नदीको किनारामा हिँडिरहनुभएको छ । नदीबाट तपाईंलाई गोहीले हेरिरहेको छ । तर तपाईंले गोही कहाँ छ भनेर सुइँकोसमेत पाउनुहुन्नँ । यदि केही गरी देखिहाल्नुभयो भने पनि भाग्न मुश्किल छ । किनभने गोही सतहमा १८ देखि २० किमी प्रतिघण्टाको गतीमा दौडन्छ । उसले आफ्नो शिकारको खुट्टालाई आफ्नो बलियो बंगारामार्फत् भाँच्ने गर्छन् । बंगाराले खुट्टा भाँच्ने बेला उसले ३५०० किलोग्राम तौल बराबरको शक्ति लगाउँछ जसका कारण शिकार वा तपाईं भाग्न सक्ने कुनै सम्भावना नै छैन । त्यसपछि उसले तपाईंलाई घिसारेर पानीमा लैजानेछ र त्यसपछि आरामले खानेछ ।

गोहीको पेटमा कति बेरसम्म जिउँदो रहन्छ शिकार ?

यदि तपाईंलाई गोहीले पानीभित्र तानेर लगेको छ भने सुरुमा त तपाईंको डुबेकै कारण मृत्यु हुनेछ । तपाईंको शरीर चिसो भएपछि यसले तपाईंलाई निल्न सुरु गर्नेछ । यदि गोहीले तपाईंलाई जमिनमा शिकार बनाएको छ भने तपाईं बाँच्ने आशा शून्य बराबर छ । किनभने जब तपाईं उसको पेटको पहिलो चेम्बरमा पुग्नुहुन्छ तब उसको शक्तिशाली मांसपेशीले तपाईंको शरीरलाई तोड्न थाल्छ । दोस्रो चेम्बरबाट निस्कने शक्तिशाली एसिडले तपाईंलाई गाल्न सुरु गर्छ । पानीमा भएको अवस्थामा त बिर्सिनुहोस् कि पेटभित्र कुनै जीव बाँच्नेछ ।

सेयर गर्नुहोस्

प्रतिक्रिया दिनुहोस्

सम्बन्धित खवर