आदिकवि भानुभक्त क्याम्पसले विद्यार्थीहरु बीच मिनी म्याराथन गर्ने
भञ्ज्याङन्यूज
तनहुँको दमौली स्थित आदिकवि भानुभक्त क्याम्पसले मिनी म्याराथन गर्ने भएको छ । क्याम्पसले दमौलीदेखि छाब्दी बाराही देवीको मन्दिरसम्म ‘आदिकवि-छाब्दी मिनी म्याराथन दौड’ प्रतियोगिता गर्न लागेको हो।
क्याम्पसको वाषिर्क खेलकुद कार्यक्रम-२०८० को तालिका अनुसार आगामि फागुन १ गतेका दिने आदिकवि भानुभक्त क्याम्पस र छाब्दी बाराही विकास कोष, व्यास-१४ को संयुक्त आयोजनामा उक्त दौड गरिने क्याम्पस प्रमुख महाप्रसाद हड्खलेले जानकारी गराए ।
खेलकुदका माध्यमबाट छाब्दी बाराही मन्दिरको प्रचारप्रसार गरी उक्त क्षेत्रमामा आन्तरिक, बाहृय एवं धार्मिक पर्यटनलाई विस्तार गर्न तथा युवाहरूलाई खेलप्रति आकर्षा गर्नका यो प्रतियोगिता गर्न लागिएको उनले बताए ।
व्यास नगरपालिका-१४ का वडाध्यक्ष काजीमान श्रेष्ठको अध्यक्षतामा बसेको बैठकमा क्याम्पस प्रमुख महाप्रसाद हड्खले, प्राध्यापकद्वय धन बहादुर थापा र बुद्ध कुमार श्रेष्ठ, छाब्दी विकास कोषका अध्यक्ष थान बहादुर थापा, उपाध्यक्ष दुर्गाबहादुर थापा, छाब्दी बाराही आधारभूत विद्यालय व्यवस्थापन समितिका अध्यक्ष इन्द्रप्रसाद कँडेल, रजबाम युवा क्लब छाब्दीका अध्यक्ष कृष्ण बहादुर आले र क्लवका सदस्य भेषबहादुर आले लगायतका बैठकले म्याराथन प्रतियोगिता गर्ने निर्णय गरेको हो ।
आदिकवि भानुभक्त क्याम्पस व्यास-१, विज्ञानचौरबाट सुरु हुने दौड प्रतियोगिता व्यास-१४, छाब्दी बाराही मन्दिर परिसरमा पुगेर टुङ्गिने छ । प्रतियोगितामा तनहुँ जिल्लाभरका क्याम्पस र विद्यालयका विद्यार्थीहरूले खुला प्रतिस्पर्धामा सहभागि गराइने भएको छ ।
प्रतियोगितामा प्रथमलाई १५ हजार, द्धितीयलाई १० हजार र तृतीयलाई ५ हजार रुपैयाँ नगद र प्रमाणपत्र प्रदान गरिने भएको छ ।
