भानुभक्त बहुमुखी क्याम्पस वेलचौताराको अध्यक्षमा श्रेष्ठ
तनहुँको शुक्लागण्डकी–५ बेलचौतारास्थित भानुभक्त बहुमुखी क्याम्पसको सञ्चालक समिति अध्यक्षमा दुर्गा कुमार श्रेष्ठ चयन भएका छन् । बुधबार भएको चौथो क्याम्पस सभा एवं दोस्रो अधिवेशनबाट श्रेष्ठ अध्यक्षमा चयन भएका हुन् ।
सदस्यहरुमा खुम बहादुर विक राजु, दीर्घ बहादुर थापा, ध्रुव कुमार मल्ल, रेशमलाल पौडेल, विमल प्रसाद रिमाल, पूर्ण बहादुर थापा, शिव रेग्मी रहेका छन् । १५ सदस्यीय क्याम्पस सञ्चालक मध्य चार सदस्य पदेन र तीन जना सञ्चालक समितिले मनोनित गर्ने व्यवस्था छ । पदेन सदस्यमा क्याम्पस प्रमुख, शुक्लागण्डकी नगरपालिकाका नगर प्रमुख वा नगर प्रमुखले तोकेको व्यक्ति, प्राध्यापक संघका प्रतिनिधी र त्रिभुवन विश्वविद्यालयका प्रतिनिधि रहने व्यवस्था छन् । क्याम्पसमा हाल ४३ जना सभा सदस्य छन् ।
