दुलेगौँडामा युवाहरु बीच विवादहुँदा चक्कु प्रहार, एक जना घाइते
दुलेगौंडा : तनहुँ शुक्लागण्डकी नगरपालिकाको दुलेगौंडामा युवाहरु बीच विवाद हुँदा चक्कु प्रहार गरिएको छ । शुक्लागण्डकी–४ दुलेगौंडास्थित हेल्थपोष्ट चोकमा शुक्रबार युवाहरु बीच विवाद भएको थियो ।
उक्त विवादका क्रममा दुई युवाले चक्कु प्रहार गर्दा बेलचौताराका दिपेश न्यौपाने घाइते भएको स्थानीय प्रत्यक्षदर्शीहरुले बताएका छन् ।
२५ बर्षका न्यौपानेसँग विवादका क्रममा चक्कु प्रहार गरी घाइते बनाएको आरोपमा इलाका प्रहरी कार्यालय बेलचौताराले केही युवाहरुलाई पक्राउ गरी अनुसन्धान अगाडि बढाएको छ ।
प्रहरी निरिक्षक पोषण थापाका अनुसार घाइते न्यौपानेलाई उद्धार गरी जीपी कोइराला अस्पतालमा उपचारका लागि पु¥याइएको छ । घाइतेको पिठ्युमा चक्कु प्रहार गरिएको छ ।
