रानी वनबाट घाँसकाटेर फर्कदै ८४ वर्षीया मनकुमारी
उमेर ८४ वर्ष पुग्दा धेरैजसो मानिस विश्रामको खोजीमा हुन्छन् । तर तनहुँको बन्दीपुरकी मनकुमारी थापा भने अझै पनि दैनिक जीवनका काममा उत्तिकै सक्रिय छिन् । बन्दीपुरस्थित रानी वनबाट उनी आफैं घाँस काटेर घर ल्याउने गर्छिन् । उमेरले पाका भए पनि उनको जोस, जाँगर र मेहनत गर्ने बानीमा कुनै कमी आएको छैन । बन्दीपुरकै सबैभन्दा ठूलो र घना जङ्गल मानिने रानी वनसम्म पुगेर घाँस काट्नु सामान्य काम होइन ।
तर मनकुमारीले वर्षौंदेखि यही दैनिकीलाई निरन्तरता दिँदै आएकी छन् । उनको सक्रियता देखेर स्थानीयवासी पनि प्रेरित हुने गरेका छन् । मनकुमारीको जीवनशैलीले नियमित श्रम, सक्रिय दिनचर्या र आत्मनिर्भरताले मानिसलाई वृद्धावस्थामा समेत स्वस्थ र ऊर्जावान रहन मद्दत पुग्ने सन्देश दिएको छ। उनका लागि उमेर केवल एउटा संख्या बनेको छ, जबकि मेहनत र आत्मविश्वास नै उनको वास्तविक परिचय बनेको छ ।
तस्विर : शिवकुमार श्रेष्ठ/भञ्ज्याङ
