मिस तनहुँ २०२१ को ताज सुमिनाले जितिन
भञ्ज्याङ न्यूज
सुमिना गुरुङले ‘मिस तनहुँ २०२१’ को ताज पहिरिन सफल भएकी छन् । शनिबार साँझ मनकामना चलचित्र हलमा सम्पन्न मिस तनहुँको पाँचौं संस्करण २०२१ मा ९ जना प्रतियोगीलाई पछि पार्दै व्यास नगरपालिका २ निवासी १६ बर्षीया सुमिनाले उपाधी चुमेकी हुन् ।
प्रतियोगितामा फस्ट रनरअप सन्धा धिताल भइन् भने सेकेन्ड रनरअपको उपाधी बिशाखा श्रेष्ठ र दर्शकको रोजाइमा रिया सन्त्राले उपाधी जितिन् ।
प्रतियोगिताको मुल्यांकनकर्तामा मिस नेपाल २०१० सदिक्षा श्रेष्ठ, पर्यटन विज्ञ हरिसिं गुरुङ, मिस तनहुँ २०१५ सुजना श्रेष्ठ थिए ।
सुमिनाले नगदचेक पचास हजार सहित प्रमाण पत्र र ताज प्राप्त गरेकी छन् । प्रतियोगिताको फस्ट रनरअपले ३० हजार नगद चेकसहित ताज, प्रमाणपत्र तथा मायाको चिनो र सेकेण्ड रनरअपले २० हजार नगद चेकसहित ताज, प्रमाणपत्र तथा मायाको चिनो प्राप्त गरेका छन् ।
डाफे मल्टिमिडियाले आयोजना गरेको प्रतियोगिताको जेभियर इन्टरनेशनल कन्सल्टेन्सी मुख्य प्रायोजक रहेको थियो । आयोजककी प्रमुख सन्जु घलेले कार्यक्रममा व्यास ५ स्थित वेदव्यास जेष्ठ नागरिक आश्रमलाई नगद पाँच हजार ५० रुपैया सहयोग प्रदान गरेकी थिईन् ।
