शुक्लागण्डकीमा संचालित तेस्रो राष्ट्रपति रनिङ शिल्डमा पञ्चमुनिदेव च्याम्पियन

तनहुँको शुक्लागण्डकी नगरपालिकामा संचालित तेस्रो राष्ट्रपति रनिङ शिल्ड प्रतियोगितामा पञ्चमुनिदेव मावि च्याम्पियन बनेको छ । कुल २८ इभेन्टमा गराइएको प्रतिस्पर्धामा पञ्चमुनिदेवले १० स्वर्ण, ३ रजत र ७ कास्य पदक जित्दै च्याम्पियन बनेको हो ।

प्रतियोगितामा हंशबाहिनीले ५ स्वर्ण, ५ रजत र ४ कास्य पदक हाँसिल गर्दै दोस्रो र गाउँफर्कोदय मावि ३ स्वर्ण, ५ रजत र ३ कास्य पदक जित्दै तेस्रो भएको छ । त्यस्तै तालवेंशी माविले २ स्वर्ण, ५ रजत र ३ कास्यपदक जितेको छ भने अरनिको माविले २ स्वर्ण र ४ रजत पदक जितेको छ । प्रतियोगिताका विजेताहरुलाई आइतबार विहान पुरस्कार वितरण गरिने सुचना अधिकारी रोशन हमालले जानकारी दिए ।

शनिबार भएको छात्रतर्फको ३००० मिटर दौडमा पञ्चमुनिदेव माविका मिलन थापाले स्वर्ण जितेका छन् । अरनिको मावि खैरेनीटारका सुगम गुरुङ्गले रजत र आधारभूत मावि साँखेका सुरज विकले कास्य पदक हात पारे । ८०० टिमरको छात्र दौडमा अरनिको माविका मोती बहादुर खत्रीले स्वर्ण, तालवेसी माविका सुदिप सापकोटाले रजत र पञ्चमुनिदेव माविका अशोक आलेले कास्य पदक जित्नसफल भए । छात्रातर्फो ८०० मिटर दौडमा तालवेसी माविकी मञ्जु केसीले स्वर्ण, पञ्चमुनिदेव माविकी प्रतिमा राइले रजत र पञ्चमुनिदेवकै विनिता सुनारले कास्य जितिन् ।

त्यसै गरी २०० मिटरको छात्र दौडमा पञ्चमुनिदेव माविका अमृत कुमालले स्वर्ण, अरनिको माविका मोती बहादुरले रजत र सुर्योदय माविका रामप्रसाद अधिकारीले कास्य पदक हात पारे । छात्रातर्फको २०० मिटर दौडमा महेन्द्र माविकी दुर्गा श्रेष्ठले स्वर्ण, तालवेसी माविकी मञ्जु सुवेदीले रजत र दिवस माविकी सुनिता विकले कास्य पदक जितिन् । १०० मिटर छात्र दौडमा हंशबाहिनीका अमृत विकले स्वर्ण, अरनिको माविका मोतीलाल खत्रीले रजत र सुर्योदयका रामप्रसाद अधिकारीले कास्य पदक जिते । १०० मिटर छात्रा दौडमा गाउँफर्कोदयकी करुणा भुजेलले स्वर्ण, तालवेसीकी मञ्जु सुवेदीले रजग र हंशबाहिनीकी विनिता थापाले कास्य पदक जित्न सफल भइन् ।

छात्रा शट पुटमा हंशबाहिनी माविकी विष्णु पुनले स्वर्ण, आधारभुतकी रचिता सुनारले रजत र खैरेनी माविकी मनिता प्रधानले कास्य पदक जितिन् । छात्र लङजम्पमा गाउँफर्कोदय माविका अमृत विकले स्वर्ण, अरनिको माविका विद्या गुरुङ्गले रजत र पञ्चमुनिदेव माविका मन्दिप रानाले कास्य जिते । छात्रातर्फको लङजम्पमा गाउँफर्कोदय माविकी करुणा भुजेलले स्वर्ण पदक दिलाइन्। हंशबाहिनीकी सञ्जना गोदारले रजत र हंशबाहिनीकै विनिता थापाले कास्य पदक हात पारिन् ।

छात्र हाइजम्पमा हंशबाहिनी माविका सुरेश खड्काले स्वर्ण पदक दिलाए । शहिदकृष्ण माविका विकास सुनारले रजत र नेपाल पुलिस स्कुल दिवस देउजा र तालवेसी मावि साहिल सिग्देलले कास्य पदक जिते । छात्रातर्फको हाइजम्पमा पञ्चमुनिदेव माविकी प्रतिमा राइले स्वर्ण, तालवेसी माविकी स्मृती परियारले रजत र गाउँफर्कोदय माविकी अनिषा काफ्लेले कास्य पदक जितिन् । छात्र टि्रपल जम्पमा गाउँफर्कोदय माविका अमृत विकले स्वर्ण, तालवेसी मावि साहिल सिग्देलले रजत र शहिद कृष्ण माविका सुजन कुमालले कास्य पदक हात पारे ।

छात्रातर्फको टि्रपल जम्पमा पञ्चमुनिदेव मावि अनुषा श्रेष्ठले स्वर्ण, गाउँफर्कोदय माविकी करुणा भुजेलले रजत र तालवेसी माविकी आकासी थापाले कास्य पदक जितिन् । छात्रतर्फको ४/४०० रिले दौडमा तालवेसी माविका किसान बहादुर खड्का, सुदिप सापकोटा, सचिन परियार, साहिल सिग्देलको समुहले स्वर्ण, हंशबाहिनी माविका रोशन भुजेल, अभिषेक पुन, सन्देश राइ, संगम वि.कको समुहले रजत र पञ्चमुनिदेव माविका अशोक आले, मिलन थापा, सुदिप कुवर, मन्दिप रानाले कास्य पदक जिते ।

छात्रातर्फ ४/४०० रिल दौडमा पञ्चमुनिदेव माविका प्रतिमा राइ, विनिता गर्तौला, विनिता सुनार, निश्मा गुरुङ्गको समुहले स्वर्ण, तालवेसी माविका मञ्जु केसी, मञ्जु सुवेदी, मेलिना कार्की, भीमश्री गुरुङ्गको समुहले रजत र खैरेनी माविका पुजा श्रेष्ठ, कृष्ण कुमाल, ममता दर्जी, सुविना थापा मगरको समुहले कास्य पदक जितेका छन् ।

छात्रा भलिवलतर्फ पञ्चमुनि माविले स्वर्ण पदक जित्न सफल भएको छ । गाउँफर्कोदय माविले रजत र आधारभूत मावि साँखेले कास्य पदक जितेको छ । त्यस्तै छात्र भलिबलतर्फपञ्चमुनिदेव माविले स्वर्ण पदक जितेको छ । जनप्रेमी मावि लामागाउँले रजत र आधारभुत मावि साँखेले कास्य पदक जित्न सफल भएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर