छाब्दीका बाढीपीडितलाई क्षेत्रीय होटल संघको आर्थिक सहयोग

व्यास नगरपालिकाको छाब्दी बराही मन्दिर क्षेत्रमा गत असार १५ गते आएको बाढीबाट पीडितलाई क्षेत्रीय होटल संघ तनहुँले आर्थिक सहयोग गरेको छ । संघमा आवद्ध सदस्यको होटल बाढीबाट पूर्ण क्षति पुगेकालाई २६ हजार रुपैयाँ सहयोग गरेको अध्यक्ष राम जोशीले बताए । स्थानीय सम्झना थापाको सम्झना खाजा घर र सुन्तली दरैको अनिल खाजा घर रातिको समयमा आएको बाढी पसि बगाउँदा भएको क्षतिलाई केही भए पनि राहत पुर्‍याउने उद्देश्यका साथ आर्थिक सहयोग गरिएको अध्यक्ष जोशीले बताए ।

ब्यबसाय सञ्चालनको क्रममा ब्यबसायीलाई अफ्ठ्यारोमा पर्दा सहयोग गर्ननै संघ खोल्नुको मुख्य उद्देश्य रहेको संघका अध्यक्ष जोशीले बताए । संघले भैपरि आउने समस्या र विपत्तिमा परेका आफ्ना ब्यबसायीलाई बिगतमा पनि विभिन्न किसिमको सहयोग गर्दै आएको बताइएको छ ।

कोभिड-१९ को समस्या भोगिरहेका ब्यबसायिलाई बाढीले थप पीडा दिइरहेको अवस्थामा आफ्ना सदस्यलाई भेटी सान्त्वना एवं हौसला दिनु र थोरै भएपनि आर्थिक सहयोग गरी पोलेको घाउमा मलम लगाउने काम गर्नु संघको दायित्व भएको संघका महासचिव चन्द्रकुमार कायस्थले बताए ।

सहयोग रकमले आँफुहरूलाई ठुलो राहत मिलेको पीडित अनिल खाजा घरकी सुन्तली दरैले क्षेत्रीय होटल संघलाई धन्यवाद व्यक्त गरिने । रातीको समयमा बाढी आएको हुँदा हामीले होटलको कुनै पनि सामान निकाल्न पाएनौँ, मुस्किलले ज्यान जोगाउन सकेको बताइन ।

सेयर गर्नुहोस्

प्रतिक्रिया दिनुहोस्

सम्बन्धित खवर