डा. त्रिशालाको ‘तिम्रो जस्तै……’ बोलको नयाँ गीत सार्वजनिक
भञ्ज्याङ न्यूज
डा. त्रिशाला गुरुङको ‘तिम्रो जस्तै….’ गीतको भिडियो गीत विहीबार काठमाडौंको राष्ट्रिय नाचघरमा सार्वजनिक गरिएको छ । माया पिरतिका गीत भन्दा फरक जीवजन्तुप्रति मानिसले गर्ने गरेका दुर्व्यवहार प्रति परिवर्तन र पुनःविचार गर्न प्रेरित गरिएको गीत रहेको छ ।
नेपाल शाकाहारी संघका अध्यक्ष कृष्ण गुरुङ ‘बोधिसत्’ले लेखेको यो गीतमा डा. गुरुङको स्वर, बीबी अनुरागीको संगीत छ भने उपासना नेम्बाङ, स्वामी सुवासचन्द्र र बाल कलाकार प्रणा थापाले अभियनय गरेका छन् ।
संसारका प्राय सबै मानिस हिंसा चाहँदैनन् मन पराउँदैनन् । तर उनिहरू गल्ति कहाँ गर्छन् भने मानिसबाहेक अन्य समान बाँच्ने चाहना भएका प्राणीहरूमाथि हुने हिंसालाई हिंसा बुझदैनन्, शोषणलाई शोषण बुझदैनन् भन्ने भाव यो गीतले दिएको अध्यक्ष गुरुङले बताए ।
म्युजिक भिडियोको कथा बाल कृष्ण (क्राइसिस्ना)ले लेखेका हुन् । कथाअनुसार पहिले मासु पसल खोलेका उपासना र स्वामी सुवासचन्द्रले दया, माया र स्वतन्त्रताका भोका मान्छेमात्रै नभएर पशुपंक्षी पनि हुन् भन्ने गहिरो अनुभव गर्छन् र मासु पसल बन्द गरेर फलफूल पसल खोलेको गीतमा देखाइएको छ ।
निर्देशक तथा कोरियोग्राफर कविराज गहतराजले यसलाइ निर्देशन गरेकाछन् । म्युजिक भिडियोलाई ओएसआर डिजिटलले सार्वजनिक गरेको हो ।
