प्राविधिक शिक्षालय भिमाद : राज्य र अभिभावकको अपेक्षा पुरा गर्नेगरी लाग्नु पर्छ

गण्डकी प्रदेश नीति तथा योजना आयोगका उपाध्यक्ष डा रघुराज काफ्लेले प्रशिक्षार्थीहरुलाई राज्यको लगानी अनुसार राज्य र अभिभावकको अपेक्षा पुरा गर्ने गरी लाग्न आग्रह गरेका छन् ।

तनहुँ प्राविधिक शिक्षालय भिमादमा शैक्षिक सत्र २०७८/०७९ को बिशेष छात्रवृति कार्यक्रममा अध्ययनको लागि भर्ना भएका प्रशिक्षार्थीहरुलाई स्वागत गर्दै उनले उक्त कुरा बताएका हुन्। ‘श्रमको सम्मान हुने समाज निर्माण गर्नुपर्छ’, उनले भने, ‘प्राविधिक शिक्षा र सिपको आवश्यकता वर्तमान समयमा रहेको र त्यसको परिपूर्तिका लागि शिक्षालय र विद्यार्थीको भूमिका महत्वपूर्ण हुनेछ ।’

कार्यक्रम गण्डकी प्रदेश मुख्यमन्त्रीका राजनैतिक सल्लाहकार खड्गबहादुर कुमालले प्राविधिक शिक्षामा पछिल्लो समय आकर्षा बढ्दै गएको बताए । उनले भने, ‘सिप सिकेर देशमा स्वरोजगार बन्नुपर्ने आवश्यकता रहेको र सिप सिकेर आफैँ काम गर्नुपर्दछ ।’

प्राविधिक शिक्षा तथा व्यवसायिक तालिम परिषद् गण्डकी प्रदेश निर्देशक प्रमोदभक्त आचार्यले देशको आर्थिक समृद्धि र विकासको आधार प्राविधिक शिक्षा भएकाले राज्यले लगानी बढाउनुपर्ने बताए। तीन तहका सरकारले लागत साझेदारीको आधारमा कार्यक्रम सञ्चालन गर्नुपर्ने बताउदै उनले आगामी दिन प्रदेश सरकारलाई लगानी बढाउन समेत आग्रह गरे ।

‘प्रशिक्षार्थीलाई सिप सिक्ने, उद्यमशिलताको विकास गर्ने उद्यमी बन्ने रोजगारी र स्वरोजगारीमा जोडिन तयार हुनुपर्छ,’ उनले भने, ‘प्रशिक्षकहरुले विशेष छात्रवृत्तिका प्रशिक्षार्थीहरुलाई नियमित पठना पाठनका अतिरिक्त कक्षाहरु सञ्चालन गरेर भएपनि पाठ्यक्रमा तोकिएका सीप र ज्ञानहरु प्रदान गर्नुपर्छ ।’

भिमाद नगरपालिका शाखा अधिकृत टेकावती ढकाल लगायतले प्राविधिक शिक्षामा पछिल्लो समय आकर्षण बढेको चर्चा गरे । सिटिईभिटीले नेपाल सरकारबाट आ.व. २०७८/०७९ को बजेट तथा कार्यक्रममा ब्यबस्था भए बमोजिम देश भरका नेपाल सरकारबाट सुचिकृत र सुबिधाबाट बञ्चित २२ वटा समूहका छात्रछात्राहरुलाई प्रि-डिप्लोमा तथा डिप्लोमा बिशेष प्राविधिक छात्रवृति कार्यक्रम प्रशिक्षार्थीहरुलाई प्रशिक्षण कार्य संचालनमा ल्याएको छ ।

तनहुँ प्राविधिक शिक्षालयले यस शैक्षिक सत्र २०७८/०७९ मा प्रि-डिप्लोमा तह १८ महिने बाली विज्ञान बिशेष छात्रवृति कार्यक्रम संचालन गरेको तनहुँ प्राविधिक शिक्षालय भिमादका प्रमुख प्रदिपराज पौडेलले जानकारी दिए ।

सेयर गर्नुहोस्

प्रतिक्रिया दिनुहोस्

सम्बन्धित खवर