दमौली-केशवटार मार्ग कालोपत्रे हुन्छ : वडाध्यक्ष श्रेष्ठ

व्यास नगरपालिका-१४ का वडाध्यक्ष काजीमान श्रेष्ठले पाँच वर्षभित्र दमौलीदेखि केशवटारसम्म कालोपत्रे हुने बताएका छन् । पहिलो कार्यकालमा नै सडक कालोपत्रे गर्ने लक्ष्य राखिएको भएपनि कोराना महामारी र राजनैतिक खिचातानीको कारण दमौलीदेखि पोखरीभन्ज्याङ्गसम्म मात्र कालोपत्रे भएको उनले बताएका छन् ।

२०३१ सालमा नै सडकको ट्रयाक खोलिएको भएता पनि हालसम्म यो मार्गमा कालोपत्रे नहुनु दुखद भएको समेत उनले बताए । आश्वासन दिने तर काम नहुने नै प्रमुख कारण भएको हुँदा अबको कार्यकालमा जसरी पनि उक्त मार्ग कालोपत्रे गर्ने श्रेष्ठले बताए ।

त्यसका लागी संघीय सरकारबाट १ करोड ४७ लाख र गण्डकी प्रदेश सरकारवाट ५ करोड रुपैया बजेट विनियोजन भईसकेको हुँदा अबको आर्थिक वर्षवाट नै कालोपत्रेको थालनी गरिने समेत उनले बताए ।

सदरमुकाम दमौली बजारबाट १४ किलोमिटर दुरीमा रहेको मार्गमा अहिलेसम्म ४ किलोमिटरमात्र कालोपत्रे भएको छ । बाँकीको मार्ग यहि कार्यकाल भित्र कालोपत्रे गर्ने योजना लिएको छु, जसरी पनि यो काम गर्दछु, वडाध्यक्ष श्रेष्ठले वताए ।

यतिमात्र नभई संघीय बजेट र प्रदेश बजेटले पुग्ने ठाँउसम्म कालोपत्रे गर्ने र त्यसपछिको मार्गका लागि भनेर विश्व वैक सँग सम्झौता समेत भईसकेको उनले बताए । विश्व बैकसँग भएको सम्झौता बमोजिम ३ वटा मार्ग मध्ये दमौली केशवटार मार्ग पनि एउटा हो ।

सेयर गर्नुहोस्

प्रतिक्रिया दिनुहोस्

सम्बन्धित खवर