मासुसंगसंगै फलफूल र तरकारी सहितका फाइबरयुक्त खाना खानुहोस
दसैं पर्वको अवसरमा मासु मात्रै नखान चिकित्सकले सुझाएका छन् । उहाँहरुले मासुसँगसँगै फलफूल र तरकारीसहितका फाइबरयुक्त खाना खान सुझाव दिनुभएको हो ।
रातो मासुको प्रयोग भने सकभर नगर्न उहाँहरुले बताउनुभएको छ । कान्तिपुर हेल्थले शुक्रबार आयोजना गरेको ‘चार्डपर्वको खाना र स्वास्थ्य’ विषयक चिकित्सक पत्रकार अन्तक्रिर्या कार्यक्रममा बिपी कोइराला मेमोरियल क्यान्सर अस्पतालका डा गुरुशरण साहले रातो मासु प्रयोग नगर्न आग्रह गर्नुभयो ।
पोलेको मासुले आन्द्रा, आमाशय, प्रोष्टेटको क्यान्सरको जोखिम बढी हुने डा साहको भनाइ छ । दसैँमा मासु पोल्ने, बार्बेक्यू गर्ने र खाने प्रचलनले गर्दा क्यान्सरको जोखिम बढी भएको उहाँ बताउनुहुन्छ । उहाँले भन्नुभयो, ‘मासुलाई उच्च तापक्रममा पोल्दा नराम्रो पदार्थ उत्पन्न हुन्छ, जसले क्यान्सर बनाउन मद्दत गर्छ।’ सबै खालका मासु तीन सय डिग्री फरेनहाइट तापक्रममा पोल्दै गर्दा दुइ खालका केमिकल निस्कने उहाँ बताउनुहुन्छ ।
उहाँले सेतो मासु, माछा पनि पोलेर नखान सुझाव दिनुभयो । भरतपुर सामुदायिक अस्पतालका वरिष्ठ फिजिसियन डा महेन्द्र अग्रहरिले चार्डपर्वमा बढी खाने हुँदा पाचन प्रक्रियामा समस्या आउने, स्मरणशक्ति कम हुने, मधुमेहको समस्या बढ्ने र उच्च रक्तचापको समस्या देखिन सक्ने बताउनुभयो ।
यससँगै तयारी खाना, तारेका खान खाँदा शरीरलाई हानी पुग्ने उहाँ बताउनुहुन्छ। मासु बोसो नभएको सन्तुलित प्रयोग गर्न सुझाव दिँदै उहाँलेभन्नुभयो, ‘सागपात, सलाद, बोक्रा भएको फलफूल थोरै खाने तर बारम्बार खाने गर्नुपर्छ ।’
डा अग्रहरिले भन्नुभयो, ‘बढी मासु प्रयोग गर्दा मुटुमा हर्मनको गडबड हुन्छ । जसले मुटुको चाल र चाप बढाउँछ ।’ धेरै मासु खाएकै कारण दीर्घकालीन रोग बढाउन सक्नेतर्फउहाँले सचेत गराउनुभयो । मधुमेहका बिरामीलाई कोलस्टोर बढ्न सक्ने भएकाले मासु कम खान सुझाव दिनुभयो । मासुले मोटोपन, तौल बढाउने बताउँदै उहाँले भन्नुभयो, ‘एकै पटक धेरै र अस्वस्थकर खाना खानु निकै हानिकारक हो ।’
उहाँले भन्नुभयो, ‘यो बेला धेरै फाइबर, फलफूल, सागपातको मात्रा बढाउनर्ुपर्छ ।’ उहाँले भन्नुभयो, ‘चार्डपर्वमा थोरै खाने, सन्तुलित खाने र बारम्बार खाने गर्दा पेटलाई पचाउन सजिलो हुन्छ ।’ एकै पटक धेरै मासु तयार गरेर प्रिmजमा राखेर लामो समयसम्म खानु हानिकारक भएको भन्दै उहाँले त्यस्तो मासु खादै नखान सुझाव दिनुभयो ।
