एमालेका उम्मेदवारहरु मतदाता भेटघाटलाई तीव्र बनाउँदै

आसन्न प्रतिनिधिसभा र प्रदेशसभा सदस्य निर्वाचनको मिति नजिकिएसंगै नेकपा एमालेका उम्मेदवारहरु मतदाताको घरदैलामा पुगि भेटघाटलाई तीब्रता दिन थालेका छन् । तनहुँको दुइ प्रतिनिधिसभा र चार प्रदेशसभा सदस्य निर्वाचन क्षेत्रका उम्मेदवारहरु अहिले मतदाताको घरदैलोमा पुगेका छन् ।

निर्वाचन सम्पर्क कार्यालय सञ्चालन गर्ने, पार्टीको क्षेत्रीय, नगर/गाउँ कमिटी तथा वडा कमिटीको बैठक बसि चुनावी एजेण्डा तयार गर्नु एमालेका नेता तथा कार्यकर्ता व्यस्थ हुन थालेका छन ।

तनहुँ निर्वाचन क्षेत्र नं. १ को प्रतिनिधिसभा सदस्यका उम्मेदवार एक बहादुर राना, प्रदेशसभा १ का उम्मेदवार रामबहादुर गुरुङ र २ का उम्मेदवार पूर्णबहादुर गुरुङ यतिबेला घरदैलोमा पुगि आफ्नो चुनावी एजेण्डा र प्रतिवद्धतामा मतदातालाई बुझाउँदै आ-आफ्नो पक्षमा मतदान गर्न अनुरोध गर्न थालेका छन् ।

यस्तै, तनहुँ क्षेत्र नं. २ को प्रतिनिधिसभा सदस्यका उम्मेदवार किरण गुरुङ, प्रदेशसभा १ का उम्मेदवार श्यामराज महत र २ का उम्मेदवार केदार सिग्देल पनि आ-आफ्नो पक्षमा मतदान गर्न आग्रह गर्दै मतदाताको घरदैलोमा पुग्न थालेका छन् ।

तनहुँ क्षेत्र नम्बर २ का प्रतिनिधिसभा सदस्य उम्मेदवार किरण गुरुङले निर्वाचन क्षेत्रमा मतदाता भेटघाटलाई तीव्र बनाउँदै एमालेका उम्मेदवारलाई मतदान गर्न आग्रह गरेका छन् । नेकपा एमाले स्थायी कमिटी सदस्य एवं पूर्वमन्त्री समेत रहेका गुरुङले निर्वाचन क्षेत्रका मतदातासँग भेटघाट गर्दै मंसिर ४ गते हुने निर्वाचनका लागि आफूलाई विजयी गराउन आग्रह गरेका छन् ।

गुरुङले तनहुँ क्षेत्र नम्बर २ मा एमालेको नेतृत्वमा धेरै विकास निर्माणका काम भएको र त्यसलाई निरन्तरता दिनका लागि एमालेको विजय आवश्यक रहेको बताए । सुखी नेपाली, समृद्ध नेपाल बनाउने एमालेको अभियानमा जनताको साथ प्राप्त हुने गुरुङले बताए । सो क्रममा मतदाताले तनहुँमा एमालेको नेतृत्वमा विकासले फड्को मारेको भन्दै फेरि पनि एमालेलाई जिताउने विश्वास व्यक्त गरे ।

सेयर गर्नुहोस्

प्रतिक्रिया दिनुहोस्

सम्बन्धित खवर