भिमादको जनज्योति क्याम्पसमा नेविसंघको प्यानलै विजयी

भञ्ज्याङन्युज

तनहुँको भिमाद नगरपालिकास्थित जनज्योति क्याम्पसमा निवेसंघका प्यानले विजयी भएको छ । आइतबार सम्पन्न निर्वाचनमा १७८ मत प्राप्त गरी विनोद पराजुली विजयी भएका छन् ।

सभापतिका उम्मेदवार अनेरास्ववियुका निषा श्रेष्ठले ९७ मत प्राप्त गरिन् । स्ववियु सचिवमा कल्पना सुनार र कोषाध्यक्षमा अमृत परियार विजयी भएका छन् । सदस्यहरुमा निशा भुजेल, सविता माल, सचिन श्रेष्ठ, इन्द्रावती सार्की र काशिका राना विजयी भएका छन् ।

तनहुँका तीन वटा क्याम्पसमा स्ववियु निर्वाचनबाट नयाँ नेतृत्व चयन गरिएको छ । सम्पन्न निर्वाचनबाट भिमादको जनज्योति, शुक्लागण्डकीको शहीदकृष्ण र आँवुखैरेनीको आँवुखैरेनी क्याम्पसमा स्ववियु नेतृत्व चयन गरिएको हो ।

यस्तै, त्रिभुवन विश्वविद्यालयबाट मान्यताप्राप्त क्याम्पसहरुमा आइतबार स्ववियु निर्वाचनका लागि मतदान कार्यक्रम भएपनि तनहुँका पाँच मध्ये दुइ क्याम्पसमा निर्वाचन अनिश्चित बनेको छ ।

व्यास नगरपालिकास्थित आदिकवि भानुभक्त क्याम्पस र शुक्लागण्डकी नगरपालिकाको भानुभक्त बहुमुखी क्याम्पसमा भने निर्वाचन अनिश्चित बनेको हो ।

आदिकवि क्याम्पसले सूचना नै जारी गरी निर्वाचन स्थगित गरेको छ भने भानुभक्तमा नेविसंघ र अखिल क्रान्तिकारीले तालाबन्दी गरेपछि निर्वाचन प्रकृया सुरु हुन सकेको छैन ।

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker