सम्झनाको परिवारको जिविकोपार्जनका लागि बाख्राको माउपाठी सहयोग
डुम्रे : तनहुँको बन्दीपुर गाउँपालिका–१ नाहालाकी एक महिलालाई जिविकोपार्जनका लागि बाख्राको माउपाठी सहयोग गरिएको छ । राष्ट्रिय मानसिक स्वास्थ्य स्वावलम्बन संगठन कोशिसले सिंह बहादुर दमैको श्रीमती वर्ष ४३ की सम्झना परियारलाई उक्त सहयोग प्रदान गरेको हो ।
मानसिक स्वास्थ्य समस्याको उपचार गरेपश्चात कोशिसले पारिवारिक पूनःमिलन गराईसकेपछि पारिवारिक आर्थिक अवस्थामा र मानसिक स्वास्थ्यमा थप सुधार होस भन्ने उद्देश्यले जिविकोपार्जन सहयोगका स्वरुप १८ हजार रुपैयाँ मूल्य बराबरको ४ ओटा वाख्राको माउँपाठी उपलब्ध गराएको हो ।
बन्दीपुर गाउँपालिका–१ का वडा अध्यक्ष शिवकुमार श्रेष्ठले विहीबार एक कार्यक्रमका बीच बाख्राका माउपाठी सम्झनालाई हस्तान्तरण गरेका थिए । बाख्रा हस्तान्तरण गर्दै अध्यक्ष श्रेष्ठले कोशिस नेपालले मानसिक समस्या भएका बिरामीहरूलाई उपचार गर्दै पुनःस्थापना गर्नको लागि सहयोग उपलब्ध गराउँदा आर्थिक उपार्जनका लागि सहज वातावरण बन्ने बताए ।
वडा नं १ को कार्यालयले २०७९ माघ १० गते बडाको चलानी नम्बर ९०५ को सिफारिसमा उद्धार गरी उपचार गर्नका लागि कोशिस नेपाललाई पत्रचार तथा सिफारिस गरेको थियो । २०६५ सालमा स्थापित कोशिसले बिगत १६ वर्षदेखि नेपालमा मानसिक स्वास्थ्य तथा मनोसामाजिक सुस्वास्थ्यको प्रबद्र्धनमा काम गर्दै आएको छ ।
हालसम्म देशका विभिन्न ठाउँका गरी एक हजार भन्दा बढी महिलाहरुलाई उद्दार तथा उपचार गरी समुदायमा पुनल्स्थापना गरी १० हजार भन्दा बढी व्यक्तिहरुलाई मनोशिक्षा प्रदान गरी मनोसामाजिक सहयोग समेत पु¥याउँदै आएको कोशिसकी फोकल पर्सन शर्मिला न्यौपानेले जानकारी गराइन् ।
