विद्यार्थीको आलुखेती
तनहुँको भानु नगरपालिका–९ बाइसजंघारस्थित कर्मदा माध्यमिक विद्यालयका विद्यार्थीहरु स्थानीय अभिभावकहरूको जग्गामा आलु खेती गरेका छन् । कक्षा ८ देखि १० सम्मका विद्यार्थीहरूलाई होस्टेलमा राखी अध्यापन गराउने क्रममा उनीहरूको उपभोग र सुविधाका लागि आलुखेती गरिएको विद्यालयले जनाएको छ ।
विद्यार्थीले २ रोपनी जग्गामा ७० किलो आलु रोपेका छन् भने अन्य थप जग्गामा विभिन्न खालका तरकारीहरू लगाएका छन् । यस प्रकारको कार्यक्रमले बालबालिकालाई सानै उमेरदेखि श्रमप्रति सम्मान गर्ने, श्रम र कृषिको महत्व बुझाउने र गाउँघरमा खाली रहेको जग्गामा कृषि कर्मबाट उत्पादन वृद्धि गरी व्यवसायिक हिसाबले आयआर्जनको माध्यम कृषिलाई बनाउन सकिन्छ भन्ने सकारात्मक सन्देश दिनेछ ।
तस्विर : भञ्ज्याङ
