ग्रामीण जीवनशैली

तनहुँको बन्दीपुर गाउँपालिका–३ स्थित रामकोट गाउँको एक घरको आँगनमा सुकाइएको बिस्कुन । पछिल्लो समय बसाई सराइ तथा विविध कारणले यो दृष्य लोप हुँदै गएको छ । यस्तै, यस गाउँलाई गाउँपालिको ग्रामीण पर्यटनको गन्तव्यका रुपमा विकास गर्दै लगेको छ । बन्दीपुर पुगेका पर्यटकलाई रामकोट पु¥याउने योजनाका साथ गाउँपालिकाले विविध प्रवद्र्धनात्मक कार्यक्रम सञ्चालन गर्नुका साथै आवश्यक पूर्वाधार समेत बनाउदै लगेको छ । स्थानीय बासिन्दाको न्यानो आतिथ्यता, परम्परागत शैलीमा सजिएको बसोबास र माया मिसिएको व्यवहारले यहाँ पुग्ने पयर्टकलाई लोभ्याउने गर्दछ । शुद्ध अर्गानिक परिकारहरूको स्वादका साथै स्थानीय कला, साँस्कृतिक कार्यक्रम यहाँको विशेषता रहेको छ । गाउँको शान्त वातावरण, प्राकृतिक सौन्दर्य र संस्कृतिसँग नजिक हुने अवसर पाउनु साँच्चै विशेष अनुभव हुन्छ । यस्तो ठाउँहरू हाम्रो पर्यटनको गहना हुन्, जसलाई सबैले एकपटक अवश्य अनुभव गर्नुपर्छ । तस्विर : डिपी अधिकारी/भञ्ज्याङ

सेयर गर्नुहोस्

प्रतिक्रिया दिनुहोस्

सम्बन्धित खवर