सुत्केरीसंग अध्यक्ष कार्यक्रम अन्तरगत म्याग्देका ३१ जना सुत्केरीहरुलाई पोषण खर्च उपलब्ध
भञ्ज्याङ समाचारदाता (म्याग्दे)
तनहुँको म्याग्दे गाउँपालिकाले सुत्केरीसंग अध्यक्ष कार्यक्रम सञ्चालन गरेको छ । उक्त कार्यक्रम अन्तरगत गाउँपालकाकी अध्यक्ष मायादेवी राना आलेले सुत्केरीहरुलाई पोषण युक्त खानाको लागि पोषण् खर्च उपलब्ध गारएकी छन् ।
गाउँपालिकाको स्वास्थ्य केन्द्रमा चालु आवमा सुत्केरी भएका ३१ जना महिलालाई सुत्केरी पोषण खर्च बपत जनही तीन हजार रुपैयाँ गाउँपालिका अध्यक्ष रानाले उपलब्ध गराएकी हुन् ।
सो अवसरमा स्वास्थ्य केन्द्रमा कार्यरत थर्पु स्वास्थ चौकिका अनमि सम्झना राना आले, जामुने स्वास्थ्य चौकिका अनमि नानुमाया आलेलाई नगद सहित प्रमाणपत्रबाट गाउँपालिकाले सम्मन गरेको थियो ।
पोषण खर्च तथा सम्मान कार्यक्रममा गाउँपालिका अध्यक्ष माया राना, प्रमुख पशासकीय अधिकृत नारायण प्रसाद अधिकारी र प्रवक्ता शिवशरण वाग्ले लगायतले गाउँपालिकाले सबै क्षेत्रलाई समान अवसर प्रदान गर्दै अभिभावकत्व प्रदान गर्न लागि पर्ने प्रतिवद्धता जनाएका थिए ।
त्यस्तै, सोही अवसरमा लामो समयदेखि सामाजिक परिचालिकामा कार्यरत अनिता वाग्ले, सत्य श्रेष्ठ, अनिता शाहि र ऐश्वय श्रेष्ठलाई जनही नगद ३ हजार रुपैयाँ र कदरपत्रले सम्मान गरिएको थियो ।
