गीतल प्रतिष्ठानद्वारा स्रष्टाहरू सम्मानित
भञ्ज्याङ समाचारदाता (दमौली)
गीतल प्रतिष्ठान नेपाल तथा नाटक मञ्च तनहुँको तर्फबाट कवि आत्माराम आचार्यले तनहुँको दमौलीमा विभिन्न स्रष्टाहरूलाई सम्मान गरेका छन् । २०७७ को क्षेत्रप्रताप स्मृति साहित्य पुरस्कार वरिष्ठ साहित्यकार प्रा.डा. वासुदेव त्रिपाठीलाई कार्यक्रमका प्रमुख अतिथि कवि आत्माराम आचार्यले प्रदान गरे ।
नेपाली भाषा, साहित्य र संस्कृतिमा पुर्याएको योगदानको कदर गर्दै डा त्रिपाठीलाई २५ हजार नगदसहित प्रमाणपत्र रहेको क्षेत्रप्रताप स्मृति साहित्य पुरस्कार प्रदान गरिएको हो । यसैगरी मञ्चले २०७६ सालको क्षेत्रप्रताप स्मृति साहित्य पुरस्कार साहित्यकार एवं गीतकार स्वर्गीय रत्न शमशेर थापाका छोरा रवीन्द्र शमशेर थापालाई हस्तान्तरण गरेको छ ।
नेपाली गीतसङ्गीत र नेपाली वाङमयमा पुर्याएको योगदानको कदर गर्दै स्वर्गीय थापालाई १० हजार नगदसहित प्रमाणपत्रबाट सम्मान गरिएको मञ्चले जनाएको छ । त्यसैगरी २०७६ सालको गीतल राष्ट्रिय युवा पुरस्कार छन्द कवि सुदेश सत्याललाई प्रदान गरिएको गीतल प्रतिष्ठान नेपाल तथा नाटक मञ्च तनहुँका अध्यक्ष आकाश अधिकारीले जानकारी दिए ।
७ हजार ५ सय रुपैयाँसहित प्रमाणपत्रले युवा कवि सत्याल सम्मानित हुनुभएको हो । त्यस्तै २०७६ सालको गीतल प्रतिभा पुरस्कार तनहुँकै लोक गायक वसन्त विश्वकर्मालाई प्रदान गरिएको छ भने गायक विश्वकर्मा ५ हजार नगद र प्रमाणपत्रसहित सम्मानित गरिएको प्रतिष्ठानले जनाएको छ ।
