विद्यार्थीलाई खेलकुद पोशाक वितरण
भञ्ज्याङ समाचारदाता/म्याग्दे
तनहुँको म्याग्दे गाउँपालिका-१ का वडा सदस्य विनोद खनालले विद्यार्थीहरुलाई खेलकुद पोशाक उपलब्ध गराएका छन् । सदस्य खनालले महेन्द्र माध्यमिक विद्यालयमा अध्यनरत विद्यार्थीहरूलाइ खेलकुद पोशाक मंगलबार उपलब्ध गराएका हुन् ।
विद्यालयमा एक कार्यक्रमका बिच १५० जना विद्यार्थीलाई सदस्य खनाल र उनकी धर्मपत्नी इन्दिरा खनालले संयुक्त रूपमा विद्यार्थीलाई खेलकुद पोशाक वितरण गरेका थिए । आफै अध्ययन गरेको विद्यालयका बालबालिकालाई खेल क्षेत्र तर्फ आकर्षित गराउन सहयोग पर्याउने र उनिहरुको प्रतिभा प्रस्फुटन गराउन खेलकुद पोशाक उपलब्ध गराएको खनालले बताएका छन् ।
कार्यक्रममा म्याग्दे-१ का वडा अध्यक्ष शिवसरण वाग्लेले जनप्रतिनिधि भएर गरिएको सहयोग प्रसंशनीय रहेको चर्चा गर्दै विद्यार्थीलाई खेलकुद ड्रेसको निःशुल्क सहयोगले अभिभावकलाई समेत आर्थिक बोझ कम हुने बताए ।
विद्यालय व्यवस्थापन समितिका अध्यक्ष बिजयराज खनालको अध्यक्षतामा भएको सहयोग कार्यक्रममा सहयोगी खनाल दम्पत्तीलाई विद्यालयका प्रधानाध्यापक सोमबहादुर थापाले धन्यवाद व्यक्त गरेका थिए ।
