भानु जयन्तीमा विद्यार्थीहरु बीच कविता वाचन प्रतियोगिता

२०९औं भानु जयन्तीका अवसरमा कविता वाचन प्रतियोगिता गरिएको छ । व्यास-२ अमरापुरी स्थित व्यास दिव्य ज्योति बोर्डिङ स्कूलले विद्यार्थीहरु बीच कविता वाचन प्रतियोगिता गरेको हो ।

विद्यालयले कक्षा ५ देखि १० सम्मका विद्यार्थीहरु बीच तीन तहमा कविता वर्गिकरण गरी नेपाली र अंग्रेजी माध्यममा कविता वाचन प्रतियोगिता गराएको थियो ।

नेपाली तर्फकक्षा ५, ६ र ८ तहका विद्यार्थीहरु बीच गरिएको प्रतियोगितामा आँचल रसाइली प्रथम, आसिया खातून द्धितीय र अविनाश कुँवर तृतीय भएका छन् ।

कक्षा ८, ९ र १० तहका विद्यार्थीहरु बीच गरिएको प्रतियोगितामा बविन आचार्य प्रथम, कपिल रानाभाट द्धितीय र कविता आले तृतीय हुन सफल भएका छन् ।

यस्तै, अंग्रेजी माध्यममा गरिएको कविता प्रतियोगितामा नीलिमा ओझा प्रथम, अर्पण रिपाल द्धितीय, रोशन श्रेष्ठ र लक्ष्मी श्रेष्ठले सानत्वना स्थान प्राप्त गरेका छन् ।

शिक्षक गोविन्द श्रेष्ठको अध्यक्षतामा आयोजित कविता वाचन प्रतियोगिताका प्रथम, द्धितीय, तृतीय र सानत्वना स्थान प्राप्त गरेका विद्यार्थीहरुलाई पुरस्कृत गर्दै शिक्षकहरु पुष्पराज खतिवडा, नविना सुनार, पुष्पराज ओझा, अमर थापा, केवल ओझा लगायतले भानुभक्त आचार्यले नेपाली साहित्य र भाषामा पुर्‍याएको योग्दानको चर्चा गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर