दमौलीमा आयोजित नमस्ते देउराली कपको पहिलो चरण सम्पन्न
ब्यास ३ देउराली नगरमा शुक्रबारदेखि सुरु प्रथम नमस्ते देउराली कपको खुल्ला साबिक वडा तथा टोलस्तरीय पुरुष भलिबल प्रतियोगिताको आइतबार प्रथम चरणका खेल सम्पन्न भएका छन् ।
आइतबार सम्पन्न सात खेलमा धनबास युवा क्लब, सिद्ध बाबा युवा क्लब, घिरिङ किरिया, रिसिङ युवा कल्याण, हिमचुली देभघाट, ठकुरी दर्शन युवा क्लब म्याग्दे बिजयी भएका छन् ।
सोमबारदेखि दोस्रो चरणको खेल सुरु हुने खेल सयोजक आनन्द आलेले जानकारी दियका छन् ।
कुल ३५ टिम सहभागी प्रतियोगिताको हाल सम्म १८ खेल सम्पन्न भएका छन् । प्रतियोगिताका बिजेता र उप बिजेताले क्रमश ४०/२० र १० पुरस्कार राशी सहितको पुरस्कार प्राप्त गर्ने आयोजकले जनाएको छ ।
खेल गतिविधि मार्फत पनि ब्यास भुमिको प्रबर्द्धन गर्न प्रतिमा निर्माण स्थलमा प्रतियोगिता आयोजना गरिएको क्लबका बरिस्ठ सल्लाहकार रबिन पौडेलले बताए ।
