एमाले तनहुँको १०औं अधिवेशन : निर्वाचन सकियो, दिउँसो १ बजेबाट मतगणना गरिदै, २३ सदस्य निर्विरोध

नेकपा एमाले तनहुँको दशौं अधिवेशन गत शुक्रबारदेखि जारी छ । जिल्ला कमिटीको नयाँ नेतृत्व सर्वसम्मत चयन गर्ने प्रयास असफल भएपछि आइतबार राति ९ बजेबाट मतदान कार्य सुरु गरिएको थियो ।

मतपत्र ठूलो हुनुका साथै अन्य प्राविधिक कारणले मतदान कार्य लामो हुन गएको थियो । आइतबार राती ९ बजेबाट सुरु भएको मतदान सोमबार बिहान करिब ८:३० बजे मात्र सकिएको थियो ।

अधिवेशनका लागि ५८५ मतदाता सहभागि भएपनि ५६० प्रतिनिधिले मात्र मतदान गरेको जिल्ला निर्वाचन कमिटीले जानकारी गराएको छ । निर्वाचन कमिटीले आज दिउँसो १:०० बजेबाट मतगणना कार्य अगाडि बढाउने तयारी गरेको छ ।

निर्वाचनमा दुइ समुह प्यानल बनाएर निर्वाचनमा होमिएका थिए । अध्यक्षका लागि हरिराज कंडेल र विष्णुभक्त सिग्देलले आ-आफ्नै प्यानल खडा गरी चुनावी प्रतिस्पर्धामा उत्रिएका थिए ।

यसअघि २३ जिल्ला सदस्य र लेखा आयोगमा भने र्सवसम्मत निर्वाचित भएको निर्वाचन कमिटीले जनाएको छ । आइतबार दिउँसो भएको उम्मेदवारी दर्तामा विभिन्न क्लष्टरबाट २३ जना जिल्ला सदस्य निर्विरोध निर्वाचित भएका हुन् ।

निर्वाचन कमिटीका संयोजक पदमप्रसाद लामिछानेका अनुसार जिल्ला मजदुरबाट सोमबहादुर आले र भिमबहादुर गुरुङ, जिल्ला खुल्ला अपाङ्गबाट मदन थापा, भुगोल भानु नगरपालिकाबाट महिलातर्फ रुपा तामाङ र उमा श्रेष्ठ निर्विरोध निर्वाचित भएका छन् ।

यस्तै भुगोल व्यास नगरपालिकाबाट महिलातर्फ वेदकुमारी वाग्ले र सीता पाण्डे, भुगोल भिमाद नगरपालिकाबाट महिलातर्फ नानुमाया गैह्रे र गौमाया राना, भुगोल आँबुखैरेनी खुलाबाट इन्द्रमान परियार र कपिल खनाल, भुगोल आँबुखैरेनी महिलातर्फ भगवती खनाल, भुगोल बन्दीपुर खुलातर्फ सुरेन्द्रबहादुर थापा र किशोर प्रधान, भुगोल बन्दीपुर महिलातर्फ फूलमती थापा, भूगोल ऋषिङ खुल्लातर्फ गञ्जसिंह गुरुङ र पुननारायण विक, भुगोल ऋषिङ महिलातर्फ हुमादेवी रानाभाट, भुगोल घिरिङ महिलातर्फ राधादेवी अधिकारी, भुगोल देवघाट खुल्लातर्फ यालबहादुर गुरुङ र केशवचन्द्र न्यौपाने, भुगोल देवघाट महिलातर्फ जुलीमाया सारु मगर, भुोल म्याग्दे महिलातर्फ निर्मला वाग्ले निर्विरोध निर्वाचित भएका छन् ।

जिल्ला कमिटीको लेखा कमिटी अध्यक्षमा प्रेमप्रसाद पौडेल, उपाध्यक्षमा आरसी पण्डित, सचिवमा त्रिभुवन श्रेष्ठ, सदस्यहरुमा रामजी खत्री क्षेत्री र कोपिला थापा निर्विरोध निर्वाचित भएका छन् ।

जिल्ला अध्यक्षमा हरिराज कंडेल र विष्णुभक्त सिग्देल, उपाध्यक्षमा राजेश्वर ढकाल र श्रीराम कार्की, सचिवमा प्रदीपराज अधिकारी र अनिल पाण्डे, उपसचिव खुल्लामा खिमबहादुर कुमाल र आरके पोख्रेल, महिला उपसचिवमा सुनिता नेपाली र बसुन्धरा घर्ती प्रतिस्पर्धामा छन् ।