तनहुँको व्यास नगरपालिकाको विशेष नगरसभा आव्हान
- भञ्ज्याङ समाचारदाता (दमौली)
तनहुँको व्यास नगरपालिकाले विशेष नगरसभा आव्हान गरेको छ । वडा नं. १० स्थित कालिडाँडा होमस्टेमा सोमबार नगरप्रमुख बैकुण्ठ न्यौपानेको अध्यक्षतामा बसेको नगर कार्यपालिकाको नियमित बैठकले नगरसभा आव्हानको निर्णय गरेको छ ।
व्यास नगरपालिका नीजि साझेदारी ऐनको मस्यौदा प्रस्ताब र आर्थिक ऐन संसोधन प्रस्ताब पारित गरि स्थानीय सरकार सञ्चालन ऐन, २०७४ को परिच्छेद-४ को दफा १९ अनुसार पुस ७ गते दिउँसो १:०० बजे विशेष नगरसभा आव्हान गरेको हो ।
नगरपालिकाले फोहोरमैला केन्द्र व्यवस्थापन सम्बन्धि कार्यविधि, २०७७ पारित गरेको नगर प्रवक्त एवं वडा नं. ५ का अध्यक्ष मोहन कुमार श्रेष्ठले जानकारी गराएका छन् । नगरपालिका फोहोरमैला व्यवस्थापन सम्बन्धी संघीय मन्त्रालयबाट प्रस्तावित प्रस्ताव वातावरण विभागमा पेश गरिएकोमा अनुमोदन गरिएको उनले बताए । नेपाल सरकार अर्थ मन्त्रालयबाट जारि गरिएको सार्वजनिक खर्चमा मितव्ययिता कायम गर्ने सम्बन्धी मापदण्ड, २०७७ लाई कार्यान्वयन गर्ने निर्णय समेत नगर कार्यपालिकाको बैठकले गरेको छ ।
यस्तै, व्यास-१० स्थित कालिडाँडा होमस्टेसम्म जाने यातायात सुगमताका लागि कालोपत्रे गर्नका लागि लागत इष्टमेट गर्न पूर्वाधार शाखालाई निर्देशन दिने बैठकले निर्णय गरेको छ । नगरपालिका समेतको साझेदारीमा निर्माण भएको कालिडाँडा सामुदायीक होमस्टे पाहुना घरको नगरप्रमुख बैकुण्ठ न्यौपानेले गरेका छन् । अर्जुन गुरुङको अध्यक्षतामा भएको उक्त कार्यक्रममा नगर उपप्रमुख मीरा जोशी, प्रमुख प्रशासकीय अधिकृत डिल्लिराम सिग्देल, वडा अध्यक्ष तुलसिराम सापकोटा, सम्झना गुरुङ, नरबहादुर गुरुङ लगायतले शुभकामना व्यक्त गरेका थिए ।
व्यास-७ का वडा अध्यक्ष शतिशचन्द्र न्यौपानेकी माता हरिकुमारी न्यौपानेको दुःखद निधन भएकोमा दिवंगत आत्माको चिरशान्तिको कामना गर्दै शोकसन्तप्त परिवारप्रति नगरपालिकाले समवेदना व्यक्त गरेको छ ।
