‘चुलबुले कान्छी’ कौडा/चुट्का गीत सार्वजनिक (भिडियो र तस्विर सहित)

भञ्ज्याङ न्यूज

१७ माघ २०७७, शनिबार १३:००

विशेष गरी गुरुङ र मगर समुदायको साँस्कृति र अन्य समुदायलाई समेत आकर्षित गर्ने कौडा/चुट्का गीत संरक्षणको अभियानमै लागेका र्सजक रेशम गुरुङको शब्द तथा लयमा नयाँ मौलिक कौडा/चुट्का गीत ‘चुलबुले कान्छी’ सार्वजनिक गरिएको छ ।

तनहुँको भिमाद नगरपालिका-५ को ऋषिङ पाटन क्षेत्रमा छायाङ्कन गरिएको उक्त गीत हाईलाइट्स नेपालको युट्युब च्यानल मार्फ सार्वजनिक गरिएको हो ।

गीतमा दिपक लामाको प्रस्तुतिमा मिन गुरुङ, बिना भट्टराइ, तेजेन्द्र दुरा र बबिता गुरुङको सुमधुर आवाज रहेको छ । यस्तै मौलिक कौडा चुट्का गीत ‘चुलबुले कानछी’ गीतमा दुर्गा गुरुङको एरेन्ज, भेष गुरुङ र पिटर गुरुङको छायांकन, बिष्णु हरि तिमिल्सिनाको सम्पादन, पर्सन गुरुङको निर्देशन रहेको छ ।

उक्त गीतमा मान बहादुर बराल मगरको मिक्सिङ, दिपेन्द्र गुरुङको प्रोग्रामिङ रहेको छ भने उर्मिला गुरुङ, दिपक लामा, निशा गुरुङ, बिनिता गुरुङ, राजु गुरुङ र सन्जु गुरुङको अभिनय रहेको छ ।

तनहुँको कौडा र चुट्का गीत निकै चर्चित छन् । बालबालिका, युवयुवतीदेखि वृद्धवृद्धालाई समेत कौडा र चुट्का गीतले आकर्षित गर्ने मात्र होइन स्वतस्फूर्त रुपमा नचाउने भएकाले यो लोकसंस्कृति संरक्षण अभियानमै लागेका तनहुँको भिमाद नगरपालिका-५ ऋषिङ पटनका रेशम गुरुङले ‘चुलुबुले कान्छी’ बोलको गीत बजारमा ल्याएका हुन् ।

पछिल्लो समय नयाँपुस्ता आयतित संस्कृति र प्रविधि तर्फआकर्षित हुँदै जाँदा हाम्रा गाउँघरका परमपरागत लोकसंस्कृति लोप हुने खतरामा परेका छन् । विशेष गरी गुरुङ, मगर, दरै लगायतका समुदायको परम्परागत संस्कृति भएपनि कौडा र चुट्का गीत प्रति अन्य समुदाय पनि आकषिर्त हुने गर्दछन् ।