पितृको सद्गतिका लागि महादीपदान गर्न देवघाटधाममा हजारौं भक्तजन (फोटोफिचर)
बाला चतुर्दशीको अवसरमा आइतबार शतबीज छर्नका लागि तनहुँको देवघाटधाममा जाग्राम बस्न हजारौं भक्तजन आएका छन् ।
दिवङ्गत पितृको सद्गतिको कामना गर्दै देवघाटधाम, पशुपतिनाथ लगायत देशभरका शिवालयमा गरिने महादीपदानका लागि भक्तजनको भीड लागेको छ ।
प्रत्येक वर्ष मार्ग शीर्ष कृष्ण त्रयोदशीको बेलुकीदेखि पशुपति क्षेत्रलगायत देशभरका शिवालयमा यो मेला लाग्ने गर्छ ।
पशुपतिनाथ, देवघाट लगायत देशभरका शिवालयमा आइतबार बेलुकी दिवङ्गत पितृका नाममा बत्ती बालिएको छ ।
मंसिर २५ गते सोमबार बिहान दिवङ्गत पितृको सद्गतिको कामना गर्दै पशुपति क्षेत्रको विशेषगरी मृगस्थलीमा शतबीज छरिन्छ ।
यसका लागि आइतबार बिहानैदेखि लाखौं भक्तजन शिवालय मन्दिरमा पुगेका छन् ।
प्रत्येक वर्ष मार्ग शीर्ष कृष्ण चतुर्दशीको बिहान पशुपतिनाथलगायत देशभरका शिवालयमा शतबीज छर्ने गरिन्छ ।
