राष्ट्रपति रनिङ शिल्ड प्रतियोगितामा पञ्चमुनिदेवलाई १० स्वर्ण जित्यो

दुलेगौंडा : तनहुँको शुक्लागण्डकी नगरपालिकामा आयोजित नगरपालिकास्तरीय छैठौं राष्ट्रपति रनिङ शिल्ड प्रतियोगिताकोमा पञ्चमुनिदेव माध्यमिक विद्यालयले १० स्वर्ण जित्न सफल भएको छ ।

शुक्रबारदेखि सुरु भएको प्रतियोगितामा १८ स्वर्ण, रजत र काँस्य पदको टुंगो लागेकोमा पञ्चमुनिदेवले उक्त स्वर्ण जित्न सफल भएको हो । दुलेगौंडाको पञ्चमुनिदेव माविले शनिबारसम्म १० स्वर्ण, ५ रजत र २ काँस्य जित्दै पदक तालिकाको शीर्ष स्थानमै रहेको छ ।

नेपाल पुलिस स्कुल बेलचौतारा दोस्रो स्थानमा उक्लिएको छ । पुलिसले हालसम्म ३ स्वर्ण, २ रजत र २ काँस्य हात पारेको छ। तालबेंसी मावि घारी भने तेस्रो स्थानमा झरेको हो । उसले ३ स्वर्ण, २ रजत र १ काँस्य जित्न सफल छ ।

यस्तै, खैरेनी माध्यमिक विद्यालयले खैरेनिटारले १ स्वर्ण, १ रजत र ३ काँस्य जित्दा गाउँफर्कोदय मावि गणपतिले १ स्वर्ण र १ रजत जित्न सफल भएको छ । अरनि मावि खैरेनीटारले ४ रजत र ४ काँस्य, जनप्रेमी मावि खैरेनीटारले र हंशबाहिनी मावि एक्लेखेतले समान १÷१ रजत र १÷१ काँस्य पदक हात पारेका छन् ।

लोटसबर्ड मावि ढोरफिर्दी, आधारभूत मावि साँखे, सहिदकृष्ण मावि कवासे र कुश्मावति मावि शेराले समान १÷१ काँस्य पदक हात पारेको छ । शुक्लागण्डीले ३० स्वर्ण, रजत र काँस्य पदकका लागि नगरस्तरीय राष्ट्रपति रनिङ शिल्डमा प्रतिस्पर्धा गराएको छ ।