एआई एक्स–रेमार्फत छाती रोग शिविर
तनहुँको आँबुखैरेनी गाउँपालिकामा एआई प्रविधियुक्त एक्स–रे मेसिनमार्फत छाती रोग सम्बन्धी निःशुल्क स्वास्थ्य शिविर गरिएको छ । जापान–नेपाल स्वास्थ्य तथा क्षयरोग अनुसन्धान संस्था र प्रदेश जनस्वास्थ्य कार्यालय दमौली को सहकार्य तथा गाउँपालिकाको व्यवस्थापनमा सोमबार एकदिने शिविर सञ्चालन गरिएको हो । शिविरमा ४९१ जना सेवाग्राहीको स्वास्थ्य परीक्षण गरिएको थियो ।
परीक्षणका क्रममा ९ जनामा क्षयरोग (टीबी) पुष्टि भएको र उनीहरूलाई आवश्यक परामर्श तथा उपचारका लागि सिफारिस गरिएको आयोजकले जनाएको छ । आधुनिक एआई प्रविधिको प्रयोगमार्फत छाती रोग पहिचान सहज बनाउने उद्देश्यले सञ्चालन गरिएको शिविरले स्थानीयस्तरमा रोग पहिचान र उपचारमा सहयोग पुगेको विश्वास लिइएको छ । तस्विर : भञ्ज्याङ
