बस र कार आपसमा ठक्कर खादा ५ जना घाइते, ३ को अवस्था गम्भिर
भञ्ज्याङ न्यूज
तनहुँको भानु नगरपालिका-९ बडहरे स्थित डुम्रे-बेशिसहर सडक खण्डमा शनिबार दिउँसो भएको दुर्घटनामा परी ५ जना घाइते भएका छन् ।
बेशिसहरबाट डुम्रे तर्फआउदै गरेको प्र.३-१०२४ च ९८३७ नम्बरको कार र बिपरित दिशा तर्फजादै गरेको ग१ख ४३७५ नम्बरको बस उक्त स्थानमा एक आपसमा ठक्कर खाई दुर्घटना भएको थियो ।
उक्त दुर्घटनामा कार चालक ललितमान रुम्बा सहित कारमा सवार ५ जना घइते भएको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाँणले जानकारी गराए ।
प्रहरीका अनुसार दुर्घटनामा परि मकवानपुर हेटौंडा-१४ का ४१ वर्षीय रन्जन राना, ६५ वर्षीय झमक गौतम र ५० वर्षीय मधुकर कार्की गम्भिर घाइते भएका छन् । कारमा सवार वर्ष ३४ का विवेक गौतम र वर्ष ३९ का लतिमान रुम्बा समान्य घाइते भएको प्रनाउ खाँणले जानकारी गराए ।
घाइतेहरुको एलाईभ अस्पताल भरतपुर चितवनमा उपचार भईरहेको र उक्त घटना सम्बन्धमा थप अनुसन्धान भइरहेको प्रहरीले जनाएको छ ।
