संस्थागत स्वमूल्याङ्कनमा आँवुखैरेनीले पायो ९३.२५ अंक

तनहुँको आँवुखैरेनी गाउँपालिकाले संस्थागत क्षमता स्वमूल्याङ्कनमा ९३.२५ अंक प्राप्त गरेको छ । आर्थिक वर्ष २०७८/०७९ मा ७३.५ अंक प्राप्त गरेको गाउँपालिकाले आर्थिक वर्ष २०७९/०८० मा ९३.२५ अंक प्राप्त गरेको हो ।

स्थानीय तह क्षमता विकास स्वमूल्याङ्कन कार्यविधि, २०७७ अनुसार गाउँपालिकाले कूल १०० अंकमा ९३.२५ अंक प्राप्त गरेको प्रमुख प्रशासकीय अधिकृत विष्णुप्रसाद शर्माले जानकारी दिए । संघीय मामिला तथा सामान्य प्रशासन मन्त्रालयले प्रत्येक आर्थिक वर्षमा स्थानीय तहको स्वमूल्याङ्कन गर्ने गर्दछ ।

गाउँपालिकाको शासकीय प्रबन्ध, संगठन तथा प्रशासन, वार्षिक बजेट तथा व्यवस्थापन, वित्तीय एवं आर्थिक व्यवस्थापन, सेवा प्रवाह लगायतका सूचकलाई आधार मानेर गाउँपालिकाको स्वमूल्याङ्कन गरिएको शर्माले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर